As fichas para colorear de O Censor de Monstros

A petición de algúns d@s pequen@s axudantes de O Censor de Monstros, os deixamos as seguintes fichas para imprimir e colorear protagonizadas por os vosos seres fantásticos favoritos:

• Ficha Nº1 O Censor de Monstros: A Coca
• Ficha Nº2 O Censor de Monstros:  O Meco
• Ficha Nº3 O Censor de Monstros:  A Maruxaina
• Ficha Nº4 O Censor de Monstros: O Lobishome

Podedes descargar todas e cada unha destas fichas, só tedes que facer clic no correspondente enlace, e deixar voar a vosa imaxinación para colorealas como vós queirades. E se vos apetece, mandádenos o resultado para ver cómo quedan estes seres o voso estilo.

¡Queremos ver cómo os vedes vós! 😀

Os axudantes do Avo Cristovo

Este sábado 24 de novembro os autores de O Censor de Monstros, a escritora Patricia G. Varela e o ilustrador David Bastos, estiveron moi ben acompañados por moit@s pequen@s que quixeron formar parte do Obradoiro de Creación de Seres Fantásticos que tivo lugar na libraría Banda Deseñada de Vigo.

Estes monstros nunca luciron tan ben!

Antía, Xiana, Pablo, Miguel, Rodrigo, Vera, Leo, Zoe, Ian ou Brais son algúns dos artistas que mostraron o seu xenio a hora de usar os lápices de cores, e que foron capaces hasta de crear as súas propias chapas para poder lucir os seus debuxos na solapa. ¡Cánto talento xunto! :)

Agardamos que o pasárades tan ben coma nós e que volvamos a repetir a experiencia, as próximas datas e lugares en que faremos obradoiros serán publicados neste blogue. Se vós tamén queredes ser axudantes do Avó Cristovo:

¡Permanecede atent@s! 😉

O Censor de Monstros: a obra de teatro

Se queres ver o avó Cristovo e a Leda cos teus propios ollos, ¡e a tódolos seres fantásticos que saen no libro!, non tes máis que estar atent@ a unha das moitas representacións que teñen lugar por moitas localidades de toda Galicia.

E se queres que teña lugar no teu colexio ou asociación, non tés máis que poñerte en contacto con Barafunda Animación, para que todos eles se poñan en marcha e a serea Maruxaina, a Coca, o Meco e ata o lobishome estén alí nun abrir e pechar de ollos. ¿Inda non levaches a túa casa O Censor de Monstros?, pois está a agardarte na túa libraría máis cercana. ;)

A lenda da Maruxaina

Se inda non sabes quén é a Maruxaina, entón é que inda non coñeces O Censor de Monstros, o libro no que poderás vela xunto a outras moitas criaturas fantásticas: unha serea a cal o que máis lle gosta no mundo e cantar, inda que tal vez non o faga tan ben coma ela pensa...

A Maruxaina é unha serea que vive nun castelo nas illas dos Farallóns na Costa da Morte, exactamente nun lugar chamado San Cibrao, e como non se sabe moi ben qué busca coas súas cancións non hai que facerlle moito caso.

 

Como o avó Cristovo tiña que incluíla no seu censo, alí que foron a vela él e máis a súa neta Leda, pero como descobriron o seu talento non estaba a altura da súa beleza. 

Se queres saber máis sobre esta serea, ademáis de poder ler sobre ela en O Censor de Monstros, tamén podes asistir á festa que se fai no seu honor todos os 11 de agosto, na cal te poderás divertir hasta o amencer.